I situazionisti triestini

speciadi

Bongiorno! Come xè?
Qualchedun de voi ga mai sentido parlar de quei muli triestini che se porta drio i speci?
Savemo tuti che giovini e veci ghe piasi andar a bever un sluc al cafè de speci.
Ma no stemo parlando de quel! Sì, si, so che no xè facile capir con cussì poco, però xè una roba divertente… Bon, bon.
Alora, scuminziemo da l’inizio…

Lo scorso aprile, più de dozento muloni e mulone se ga trovado in piaza Unità, e se ga iazà per cinque minuti davanti a tuti… Cossa, no ve ricordè? Guardè el video qua soto per capir cossa i gaveva combinado…

Sul Meridiano iera scrito tuto, i gà mostrà anca le nostre foto:
frozen meridiano Frozen Zeno

Questa roba xè stada registrada ne la mappa dei eventi frozen nel mondo: gavemo fato parte de una clapa de mularia totale globale, tuti ciapadi co ‘sta “Public Art” e improvisazion!

Me ricordo ancora de quando Euro el me ga dito: “tra un anno lo femo de novo!” (e mi go pensado: prima no?). Beh, cossa volè… Xè za ora de prepararse! La mularia triestina no vol ‘spetar cussì tanto: i se sta za movendo de novo! Con un novo tipo de evento che… no ve volemo ancora rivelar! L’idea ve piasi? Volè dar una man anche voi? Alora, scrivè ad Euro: e.baret@idros-ts.com e… boni speci!!!

Lascia un commento

Il tuo indirizzo email non sarà pubblicato. I campi obbligatori sono contrassegnati *

Questo sito usa Akismet per ridurre lo spam. Scopri come i tuoi dati vengono elaborati.